Ma'lumotlaringiz bilan qanday ishlaymiz

1. Qisqa mazmun

Tasko App Telegram orqali ishlaydi. Shuning uchun biz Telegram ID, ism, username, workspace, guruh va vazifa ma'lumotlarini qayta ishlaymiz. Maqsad - vazifalarni yaratish, ko'rsatish, eslatish va jamoa ishini tartibga solish.

2. Qanday ma'lumotlar yig'iladi

• Telegram ma'lumotlari: Telegram ID, username, ism-familiya, profil tili, chat yoki guruh IDsi, guruh nomi.
• Workspace ma'lumotlari: workspace nomi, a'zolar, rollar, guruhlar, sozlamalar va tarif holati.
• Vazifa ma'lumotlari: vazifa matni, muddat, mas'ul, status, izohlar, eslatmalar, biriktirilgan fayllar.
• To'lov va support: invoice, tarif, to'lov holati, yordam xabarlari va biriktirmalar.
• Texnik ma'lumotlar: qurilma va brauzer signallari, IP manzil, so'rov loglari, xatolik va xavfsizlik yozuvlari.

3. Nima uchun ishlatamiz

• foydalanuvchini Telegram orqali tanish va login qilish;
• vazifa, eslatma, guruh va workspace funksiyalarini ishlatish;
• billing, tarif, invoice va qo'llab-quvvatlash jarayonlarini yuritish;
• xavfsizlik, audit, spam va ruxsatsiz kirishni oldini olish;
• xizmatni tahlil qilish va yaxshilash.

4. Telegram bilan bog'liqlik

Tasko App Telegram platformasi orqali ishlaydi. Botga yozgan, guruhda botga yuborilgan yoki Mini App orqali kiritilgan ma'lumotlar Telegram infratuzilmasi orqali ham o'tishi mumkin. Telegramning o'z maxfiylik qoidalari alohida amal qiladi.

5. Kimlar bilan ulashamiz

Ma'lumotlaringizni sotmaymiz. Lekin xizmatni ishlatish uchun ayrim ma'lumotlar quyidagi tomonlar bilan qayta ishlanishi mumkin:

• Telegram, chunki bot va Mini App Telegram orqali ishlaydi;
• hosting, ma'lumotlar bazasi, fayl saqlash va xavfsizlik provayderlari;
• to'lov provayderlari, agar online to'lov yoqilgan bo'lsa;
• qonuniy talab bo'lsa, vakolatli organlar.

6. Saqlash muddati

Ma'lumotlar xizmatni ko'rsatish, hisob-kitob, audit va qonuniy majburiyatlar uchun kerak bo'lgan muddat davomida saqlanadi. Workspace o'chirilganda yoki ma'lumotni o'chirish so'rovi tasdiqlanganda, ma'lumotlar tizimdan olib tashlanadi yoki arxiv davri tugagach o'chiriladi.

7. Xavfsizlik

Biz kirishni rollar bilan cheklash, tokenlar, webhook secretlari, audit yozuvlari, fayl cheklovlari va server xavfsizligi kabi choralarni qo'llaymiz. Shunga qaramay, internet orqali uzatiladigan ma'lumot uchun mutlaq xavfsizlik kafolatlanmaydi.

8. Sizning huquqlaringiz

Siz quyidagilarni so'rashingiz mumkin:

• o'zingiz haqingizdagi ma'lumotni ko'rish;
• noto'g'ri ma'lumotni tuzatish;
• workspace ma'lumotini eksport qilish;
• akkaunt yoki workspace ma'lumotlarini o'chirish;
• ma'lumotni qayta ishlash bo'yicha savol yoki e'tiroz yuborish.

Workspace ichida ayrim so'rovlar workspace egasi yoki adminlari orqali bajariladi, chunki ma'lumotlar jamoa ishiga tegishli bo'lishi mumkin.

9. Bolalar ma'lumotlari

Tasko App ishchi jamoalar uchun mo'ljallangan. Xizmat 16 yoshdan kichik bolalar tomonidan mustaqil foydalanish uchun mo'ljallanmagan.

10. Saqlash joyi va uzatish

Texnik xizmatlar va serverlar turli hududlarda joylashishi mumkin. Bunday holatda ma'lumotlarni himoya qilish va amaldagi qonunchilik talablariga rioya qilish uchun zarur choralar ko'riladi.

11. Siyosatni yangilash

Ushbu siyosat xizmat rivojlanishi yoki qonunchilikdagi o'zgarishlarga qarab yangilanishi mumkin. Muhim o'zgarishlar ilova, bot yoki sayt orqali bildiriladi.

12. Aloqa

Maxfiylik bo'yicha so'rovlar uchun Mini App ichidagi yordam bo'limi yoki @TaskoAppBot orqali murojaat qiling.